Familiaran gintawag ‘fake news’ ang impormasyon nga may 200 ka agents sang isa ka BPO nga positibo sa covid-19

29

Gintawag “fake news” ni Vice Mayor El Cid Familiaran nga 200 ka call center agents sang Panasiatic Solutions ang nagpositibo sa coronavirus.

Suno sa chairman sang Bacolod Inter-Agency Task Force, 200 ka agents ang ginpaidalom sa rapid test sa diin duha ang nangin reactive gani nga ginpaidalom sa swab test kag sila ang nagpositibo sa COVID-19.


Madumduman nga sang nagligad nga semana, isa ka call center supervisor ang napatay bangud sang virus.

Bangud sang nagakatabo sa karun, aminado si Familiaran nga may yara sang mga call center agents nga gina-discriminate sa ila lugar ukon sa ila mga boarding houses.

Nagapanawagan si Familiaran nga likawan ang diskriminasyon sa mga call center agents bangud dako ang ila ginabulig sa pagbuhi sa ekonomiya sang ciudad.

Kasunod sini, nagapanugyan ang bise alkalde sa mga agents nga naga-eksperyensiya sang diskriminasyon nga magpa-blotter agud ini ang maaksyunan.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments