Davao City – Wala pay opisyal nga statement ang Social Security System kun SSS central office bahin sa calamity loan, pagbayad sa contributions ingon man uban pang kamandoan bahin sa precautionary measures batok COVID-19.
Sa pakighinabi kang Greta Quayle sa SSS Bajada atol sa interview kaniya ni RadyoMaN Misel Miral-Galve sa Serbisyong Straight to the Point, naghulat pa gihapon sila sa order gikan sa main office diin nahibaloan nga sa pagkakaron, sirado ang SSS central office nga anaa sa kaulohan.
Hinuon gitino niini nga dinhi sa Davao region, abri gihapon ang mga opisina sa SSS apan mihangyo kini sa mga miyembro nga og di importante ang transaksyon, dili nilang muadto sa opisina inay magtuon og check sa mga impormasyon pwede ra ma-access online pinaagi sa www.sss.gov.ph.
RadyoMaN Renz Barbarona
