Pagadian City – Gipahibalo karon Zamboanga del Sur Medical Center Molecular Laboratory nga gilimitahan na nila ang indibidwal nga ipailalom sa Swab test gumikan sa nagkanihit nga testing kits ug uban pang gamit.
Base sa ulahing gipagula nga impormasyon sa ZDSMC Molecular Laboratory, nga nahimo kini nga lakang gumikan sa grabing pagtaas sa ihap sa samples nga gipadala sa laboratory diin sa bulan sa Abril mikabat sa 3,000 ka samples samtang dul-an 6,000 usab ang sa bulan sa Mayo.
Gumikan niini ang mga closed contacts nga nagpositibo sa Covid-19 nga dunay simtomas ang kuhaan og swab samples ug lakip na ang mga suspek sa covid-19 nga pasyente nga gi-admit sa ospital.
Hinoon sigon ni Dr. Anatalio Cagampang Jr., Head sa ZDSMC Molecular Laboratory ilang ipaniguro nga makakuha og suplay sa kits nga sarang magamit sa maong laboratoryo.
