Matud niya nga proteksyon gihapon ang face mask sa unsa mang balatian, dili lang sa COVID-19.
“Ang kadtong naa sa sulod sa establisemento kinahanglang dunay face mask kay kabalo baya ka sa panahon karon nga bisan pa gani nga naa sa gawas. Kami gani nga naa koy rondalya, mag-face mask man gani ‘mi,” saysay niini.
Gipasabot ni Dr. Michelle Schlosser, tigpamaba sa Davao City Coronavirus Disease 2019 (COVID-19) Task Force (sa interbyu sa city-owned radio), nga ilaha na lamang gipaabot ang kumpletong detalye sa direktiba aron nga magiyahan ang lokal nga panggamhanan paunsa kini ipatuman.
“We need to be able to get the entire written Executive Order given or released by our President, so that we can react fully on the stated voluntary wearing of face mask (indoors),” sulti ni Schlosser.
Kahinumduman nga niadtong September, gilagdaan ni Ferdinand “Bongbong” Marcos Jr. ang Executive Order (EO) 3 pagtugot sa boluntaryo nga pagsuot og face mask sa outdoor settings partikular na sa open spaces ug non-crowded areas nga adunay good ventilation.
RadyoMaN Kirby Manzon
