Davao City – Padayon nga ipatuman ang pagsuot og face shield dinhi sa syudad sa Davao luyo sa anunsyo sa national government nga gamiton na lamang kini sa closed, crowded ug close-contact areas sama sa ospital isip dugang proteksyon batok Coronavirus Disease 2019 (COVID-19).
Gibutyag ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga walay direktiba ang lokal nga gobyerno nga wagtangon ang pagsuot sa face shield diin nagpabiling epektibo ang paggamit niini subay sa Executive Order (EO) No. 65 Series of 2020 sa City Government of Davao.
“Since we do not any mandate coming from our good Mayor and our mga legislators nga tanggalon siya (face shield) then we will not eliminate it because naa pa man gyud sya. That’s a local.. local kasi po siya na mandate po,” sulti ni Schlosser.
Gipasabot sa health official nga sa guidelines sa Department of Interior and Local Government (DILG) nga adunay gahum ang Local Government Unit (LGU) nga mupatuman og direktiba o measures batok COVID-19 nga mas makaayo sa lugar.
RadyoMaN Kirby Manzon
