Davao City – Gikalipay sa Dabawenyos ang anunsyong dili na kinahanglang magsuot og face shield sulod sa Public Utility Jeepneys (PUJs) dinhi sa syudad sa Davao.
Kini ang subling giklaro ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), human nga aduna matud pay reports nga adunay ginapakanaug sa jeep tungod sa wala pagsuot og face shield ug pag-issue og violation ticket sa jeepney driver.
Gitataw ni Schlosser nga klaro ang direktiba ni Davao City Mayor Sara Duterte-Carpio pinaagi sa Executive Order (EO) 51, nga mamahimo lamang gamiton ang face shield sa crowded places, close-contact settings, ug confined and enclosed spaces (3Cs).
Kini nagpasabot nga dili na required ang face shield sa jeep tungod kay abri ang bintana niini ug kini adunay ventilation, gawas lang sa mga sakyanan nga sirado ug airconditioned.
“Pag ang mga buses, vehicles, mga SUVs or mga L300, naka-close ang windows, then they are defined as enclosed and confined, therefore kinahanglang sila (pasahero) mag-face shield. Ang Public Utility Jeepneys (PUJs), wala silay enclosure. If you notice, wala man ‘tay jeepney nga naay aircon. Therefore, no need na siya (face shield) kasi free and open air man siya, there is low-risk for spreading of the infection (COVID-19) because it is an open ventilation,” pagpaklaro ni Schlosser.
Subay sa EO 51, kinahanglan ang face shield sa CROWDED PLACES sama sa swab site, vaccination site, evacuation center, panahon sa distribution of assistance ug Commission on Elections (COMELEC) voter registration.
Kinahanglan usab ang pagsuot og face shield sa CLOSE CONTACT SETTING o kadtong mga indibidwal nga duol within 6 feet ug nag-uban sulod sa 15 minutos.
Kinahanglan usab ang face shield sa CONFINED AND ENCLOSED SPACES o kadtong indoor structure nga adunay atop ug bongbong nga dili abri ang bintana.
RadyoMaN Kirby Manzon
