Gipaniguro ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), ilang ipahibalo sa publiko ugaling aduna may kumpirmadong inpormasyon kabahin sa casualty sa booster o bakuna.
“Naa napoy nanggawas nga fake news karon nga nangamatay daw sa booster. Dili gyud na tinuod. That is not true gyud. I can assure you nga naa may any news or any data like that, we will be responsible to let the public know,” tataw ni Schlosser.
Padayon karong giawhag sa health official ang publiko nga magpabakuna ug magpa-booster aron mahatagan og dugang proteksyon ang kaugalingon batok sa risgo nga dala sa makatakod nga virus.
Abri usab ang vaccination hubs sa dakbayan alang sa bisan unsang dose sa bakuna ug booster doses.
RadyoMaN Kirby Manzon
