Home isolation requirements gipahinumdom

34
Davao City – Subling gipahinumdom sa Davao City COVID-19 Task Force (TF) ang pipila ka requirements sa home isolation alang sa usa ka pasyente nga positibo sa Coronavirus Disease 2019 (COVID-19).

Sumala ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), ginatugotan lamang ang home isolation niadtong mild ug asymptomatic o walay simtomas sa COVID-19.

Gawas niini, kinahanglang ang pasyente adunay kaugalingong kwarto ug comfort room (CR) sulod sa balay.

Kinahanglan usab nga ang pasyente walay kauban sa balay nga adunay comorbidities o masakiton aron malikayan nga sila matakdan sa pasyente.

“Karon naa ‘tay home isolation because based sa atoang DOH guidelines, allowed ang isa ka LGU to permit home isolation if naa ‘ta sa surge and currently naa ‘ta sa surge therefore gina-allow ang home isolation sa mga asymptomatic and mild cases only,” sulti ni Schlosser.

Gipasabot sa health official nga adunay istriktong pag-assess sa mga pasyente una kini tugotan sa home isolation diin adunay mga pasyenteng kinahanglang ibutang sa pasilidad ilabi na kung sila severe ug critical sa COVID-19.



RadyoMaN Kirby Manzon

Facebook Comments