COVID-19 TF: ‘No vaccine, no entry’ sa restaurants posible

36

Davao City – Wala pay report nga adunay restaurant nga nagpatuman og “No vaccine, no entry” nga palisiya dinhi sa syudad sa Davao, human mipakita og suporta si Presidente Rodrigo Duterte sa desisyon sa mga restaurant sa pagdili sa mga dili bakunado batok Coronavirus Disease 2019 (COVID-19) sa pagsulod sa ilang establisyemento, atol sa iyang “Talk to the Nation” Martes sa gabii (November 23, 2021).

“Kung ayaw ninyong magpabakuna at hindi kayo tinanggap sa ibang restaurant, doon na lang kayo sa tabing dagat,” sulti ni Duterte.

Gibutyag ni Dr. Michelle Schlosser, Spokesperson sa Davao City COVID-19 Task Force Spokesperson (sa interbyu sa city-owned radio), wala pa nagbaton og limitasyon ang mga restaurants sa syudad alang sa unvaccinated individuals apan posibleng kining mahitabo ilabi na nga gisuportahan sa presidente.


“Wala pa ‘ta nag-abot sa punto nga naay mga limitations and restrictions (sa restaurants) sa mga dili bakunado (batok COVID-19) pero dili na siya layo nga mahitabo given nga suportado siya sa atong presidente (Rodrigo Duterte),” matud ni Schlosser.

Gipasabot sa health official nga bisan og naay guidelines o health protocols nga ginapatuman sa national government, mamahimo gihapong makapatuman ang matag establisyemento og ilang kaugalingong measures nga makaayo ug makaprotekta sa ilang mga kliyente ug mga empleyado.

RadyoMaN Kirby Manzon



Facebook Comments