Davao City – Sugdan na karong October 15, 2021 ang rollout sa vaccination batok Coronavirus Disease 2019 (COVID-19) alang sa mga nag edad og 12-17 anyos.
Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio) nga sa Oktubre 15, una kining i-pilot sa National Capital Region (NCR) ayha kini ipakanaug sa ubanng Local Government Unit (LGUs) lakip na dinhi sa syudad sa Davao.
“Sa NCR muna daw. Then, okay na man siya, walay mga glitches, so the guidelines will be given to the different provinces including our LGU,” sulti ni Schlosser.
Gipasabot ni Schlosser nga sa pagbakuna sa maong age group, hatagan gihapon og prayoridad kadtong bulnerable nga indibidwal o kadtong adunay commorbidities o immunocompromised nga mga bata.
Sa pagkakaron, wala pay pre-registration alang sa pagbakuna sa minors diin hulataon na lamang ang guidelines gikan sa Department of Health (DOH) alang niini ug human sa pilot test sa kaulohan.
RadyoMaN Kirby Manzon
