COVID-19 TF walay natala nga serious adverse effects sa minors’ vaccination

Davao City – Zero cases kun walay natala ang Davao City COVID-19 Task Force (TF) nga seryosong Adverse Event Following Immunization (AEFI) sa pagpahigayon og minors vaccination dinhi sa syudad sa Davao.

Matud ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), sagad nga nasinatian mao lamang ang expected o ginalauman nga epekto human mabakunahan sama sa pagsakit sa giturokan sa bakuna, pagkalintura, pagkaluya, apan kini makonsiderang normal lamang ug dili seryosong epekto.

“So far, we have not recorded any serious adverse event following immunization (AEFI). So far, typical expected na mga AEFI lang ang atong mga nakit-an pero dili ing’ana ka siginificant number pud,” matud ni Schlosser.


Kahinumduman nga niadtong October 29, 2021 sa dihang gisugdan sa Southern Philippines Medical Center (SPMC) ang pagbakuna sa mga menor de edad partikular na kadtong 12 hangtud 17 anyos.

Karon, gawas sa mga hospital, mamahimo na nga ma-cater sa mga vaccination hubs ang pagpabakuna sa minors bisan kadtong walay balatian.

Samtang, sugod karong adlawa (November 19, 2021) abli na usab ang People’s Park alang sa pediatric vaccination gikan alas 7:00 sa buntag hangtud alas 3:00 sa hapon.

Kinahanglan lamang nga kauban sa minor ang ginikanan o legal guardian sa pagbakuna ug pagdala sa gikinahanglang requirements.

RadyoMaN Kirby Manzon

Facebook Comments