Nagapadayon subong nga adlaw ang vaccination sang COVID-19 vaccine sa mga nabilin nga healthcare workers (A1), senior citizens (A2), kag persons with comorbidities (A3) sa syudad sang Koronadal.
Naka-iskedyul subong nga adlaw sa bakunahan ang mga yara sa masterlist nga mga indibidwal nga yara sa A1, A2, A3 priority groups sang Barangays GPS, Cacub, Esperanza, Carpenter Hill, New Pangasinan, Magsaysay, San Roque, Topland kag Concepcion.
Natalana naman ang vaccination sa mga priority groups sa Barangays Assumption, Mambucal, Paraiso, Sto Niño, Sta. Cruz, Zone 1, Zone 2, and Zone 3 bwas nga adlaw, Hunyo 15 kag ang sa Avanceña, Caloocan, Mabini, Morales, Rotonda, San Jose, San Isidro, Namnama, Saravia, kag Zone 4 ang sa Hunyo 15.
Magapadayon naman ang vaccination tubtob sa Biyernes nga adlaw sa mga wala naakumudar sa nasambit nga mga petsa, suno sa city health office personnel.
May-angot sini, ginaadvice sang city health officials sa mga target vaccinees nga makig-angot sa ila tagsa ka mga Barangay Health Stations para sa iskedyul sang vaccination.
Samtang sa mga wala pa nakaparehistro sa master list ginahangkat ang mga ini nga magpalista sa tagsa ka barangay health station ukon City Health Office.
Nahibaluan nga sang Hunyo 9, nakabaton ang Koronadal City sang 1,650 doses sang Sinovac’s CoronaVac vaccine halin sa Department of Health – Center for Health Development SOCCSLSARGEN Region nga para sa first dose sang mga yara sa A1, A2, and A3 priority groups.
