Sa interbyu sa DXDC RMN Davao kang Dr. Ricardo Audan, SPMC chief anaa sa 250-300 ka mga bata ang target nga mabakunahan sa unang adlaw sa inoculation.
“Mag-celebrate ta’g Valentine’s through giving our children a vaccination for 5-11 (years old). Unahon sa nato ang mga anak, apo sa mga employees ug referrals from other agencies,” matud niini.
Mas ubos nga dose sa Pfizer COVID-19 vaccine ang gamiton sa mga batang nag-edad 5-11 anyos.
Aron masegurong mabakunahan sa maong age group, kinahanglan nga adunay dala ang guardian nga birth certificate, baptismal certificate ug uban pang mga dokumentos.
Kung nalakip kini sa A3 pedia, ipresenta sa vaccination site ang medical certificate gikan sa ilang mga physicians.
Giawhag ni Audan ang mga ginikanan nga pabakunahan ang bata aron protektado usab kini sa COVID-19.
RadyoMaN Aimee Guinita
