Davao City- Niubos na ang community transmission sa COVID-19 sa dakbayan sa Davao.
Sa interbyu sa DXDC RMN Davao kang Dr. Ashley Lopez, City Health Office (CHO) chief, gibutyag niya sa heightened surveillance sa syudad mokabat sa 5,000 ang gipailawom sa RT-PCR testing ug 57 niini nagpositibo sa COVID-19.
Gitinguha sa syudad, ang zero cases sa COVID-19 busa nakatutok ang health sectors sa pagpahimangno sa mga security forces nga doblehon ug estriktuhan, ang pagbantay sa mga borders aron masegurong dili peke ang mga RT-PCR results sa mga pasaherong mosulod sa airport ug mga sea ports.
“Mao na ang akoang gina-ampo adlaw-adlaw, dili lang gyod ta masudlan og COVID-19 variant gikan sa Cebu ug Manila. Makaya ug ma-sustain nato ning ingon ani nga status,” sumala niini.
Matud ni Lopez, adunay 300 ka mga active cases sa dakbayan apan kining tanan naka-isolate na ug intensify ang gihimong contact tracing.
RadyoMaN Aimee Guinita
