Davao City – Nakasentro karon ang atensyon sa Department of Health (DOH-XI) sa upat (4) ka mga Barangay nga nabutang sa ilang watchlist gumikan sa pagbaton og taas nga kaso sa Coronavirus Disease 2019 (COVID-19).
Atol sa One Davao on COVID-19 Virtual Presser, gibutyag ni Dr. Lenny Joy Rivera, Assistant Regional Director sa DOH-XI, ang maong mga Barangay mao ang Brgy. Buhangin nga nagbaton karon og 131 cases, Brgy. Ma-a 59 cases, Brgy. 19-B 58 cases, ug Brgy. Matina Aplaya 32 cases.
Sa datos sa October 1, 2020, sa ulahing 14 diyas, nagbaton og 14 cases ang Brgy. Buhangin, Brgy. Ma-a 12 cases, Brgy. 19-B 12 cases ug Brgy. Matina Aplaya 11 cases.
Padayong nagpahinumdom ang DOH-XI sa katawhan nga sundon ang mga health measures nga ginapatuman aron malikayan ang pagtakod ug pagtaas pa sa kaso sa COVID-19.
RadyoMaN Kirby Manzon
