Davao City – Karong panahona, gikinahanglang magsinabtanay una tungod sa sitwasyon diha sa mga bayronan sama sa atong mga bills sa tubig, kuryente, renta ug uban pa.
Sumala ni veteran Davao journalist / columnist Serafin Ledesma, gikinahanglan karon ang panagsabot-sabot diha sa mga bayronon sa renta, tubig, kuryente ug uban ba tungod kay daghan ang naapektohan sa dihang gipatuman ang Enhanced Community Quarantine (ECQ) hangtod na sa General Community Quarantine (GCQ) ingon man Modified GCQ karon tungod kay dili tanang trabahante nakabalik na sa ilang tagsa-tagsa ka mga panarbaho.
Matud ni Ledesma, adunay mga establisimyento o kompaniya ang wala pa makabalik sa ilang operasyon diin ang ilang mga trabahante nawad-an gyud ug pangempleyo hinungdan sa panawagan nga sila tunolan og humanitarian consideration.
RadyoMaN Bernard Pantallon
