GENERAL SANTOS CITY- Gipahigayon kaganihang buntag ang Blessing sa CoVid Center sa dakbayan nga padaganon sa Dr. Jorge P. Royeca Hospital nga Level 1 Hospital.
Matod sa Hospital Chief nga si Dr. Ryan Aplicador, adunay 12 single rooms, 1 Dialysis room ug 3 Intensive Care Units ang pasilidad para sa mga ma-admit nga CoVid related patients.
Kapin sa 100 Million pesos ang gigahing pondo para CoVid Center sa GenSan.
Samtang 30 Million pesos usab ang budget para sa Bio Laboratory nga gitukod sa ospital.
Kini matod pa ang magsilbing testing facility para sa CoVid.
Apan sa karon, anaa pa sa Stage 1 o Self-assessment ang Bio Laboratory Accreditation sa Covid Facility sa dakbayan ug gilaumang makumpleto kini sa Hunyo.
56 Frontliners, gibutang na sa CoVid Facility sa GenSan
Upat ka mga batch sa frontliners ang gipangbutang sa Dr. Jorge P. Royeca Hospital para sa CoVid Facility sa dakbayan.
Kaganihang buntag nagsugod na ilang duty sa unang 14 ka mga frontliners sa CoVid Facility.
Magtrabaho sila 7 ka adlaw sa Facility ug pagkahuman sa usa ka semanang duty mopailawom sila sa mandatory 14-days Quarantine.
Ang kada batch sa frontliners gilangkuban sa Internist, usa ka ROD, Doktor ug Nurses.
Ang mga nahisgutan matod pa maoy moatiman sa mga ma-admit nga CoVid related patients sa facility.
For more info’s and updates, like and share our official facebook account : www.facebook.com/ifm91.9Gensanofficial/
photo: ctto
[image: ctto.jpg]
