Davao City – Hangtud walay awtorisadong bakunang ma-distribute ngadto sa katawhan, dili gayud nato hingpit maresolba ang hulga mugna sa COVID-19 bisan pa man hangtud karong December ning tuiga.
Sumala ni Presidential Commission for the Urban Poor (PCUP) Commissioner Norman Baloro, mientras wala pay bakuna, wala usa’y mahitabo nga COVID-free celebration sa Yuletide Season.
Matud ni Baloro, ang responsibilidad lamang sa gobyerno mao nga iyang tabangan ang katawhan kinsa naapektohan sa krisis bunga sa COVID-19 pinaagi sa pag apud apud og pagkaon ingon man ayudang pinansiyal.
Segun ni Baloro, angay tahuron ang research forecast sa University of the Philippines (UP) OCTA Research pinangulohan ni Prof. Guido David sanglit ila man kini nga field of expertise.
Hinonoa, dili kumbinsido si Baloro sa konseptong pagpaluag sa community quarantine control measures karong mga panahona sanglit wala pa man gayud ma-finalize ang availability sa anti-COVID vaccine usab mag-agad gayod kini diha sa klase sa disiplina sa katawhan sa pagtuman sa tanang mga lagda alang sa luwas nga envorinment versus virus.
“If the University of the Philippines (UP OCTA Research) anaa sila’y study ug mga conclusion (September COVID curve flattening), I have to give my full respect (on) that because that is their field (of expertise)…So, kung muingon ‘ta (nga) luagan ang (community quarantine measure), magdepende na (sa) behavior ug attitude sa tawo,” panapos ni Baloro.
RadyoMaN Joel Viray
