Davao City – Daghang kausaban ang gihatud sa coronavirus disease (COVID-19) tungod kay nasorpresa kita ug wala makapangandam kontra niini.
Sumala ni Ateneo De Davao University (ADDU) Prof. Ramon Beleno III, ang maong virus walay gipili pobre man o ma-adunahan gani gihulagway kini niyang ‘great equalizer’ ilabi na sa mga hinay og resistensya kinsa kasagaran niini mga yanong tawo.
Matud ni Beleno, ang COVID-19 nakapa-usab sa health care system diha sa pamilya pinaagi sa paghugas sa kamot, paggamit sa alcohol, shake hands nga kaniadto dili kaayo ginahimo.
Ikaduha, kritikal ang social distancing nga gkinahanglang ang tawo modistansya ug ikatulo ang pagpakusog sa immune system aron batukan ang bisan unsang virus.
Giklaro usab ni Beleno nga adunay matigayong kausaban sa international travel system pinaagi sa hugot nga proseso diha sa pagawas ug pagsulod sa nasod niadtong gitohoang nakabyahe sa kanasuran diin didto nagsugod ang kalit nga pagkuyanap sa maong balatian.
Nagtoo usab si Beleno nga adunay kausaban diha sa health industry ilabi na sa Pilipinas tungod kay ang mga doctors ug nurses wala kaayo taga-i ug importansya pinaagi sa paggahin og dakung budget sa Department of Health (DOH).
Bisan ang America luyo sa ilang kakusgan gilupig sa COVID-19 diin leksyon niini mao nga kinahanglan usab natong ampingan ang atong kanasuran aron wala nay laing pandemic nga mokunsad ug nga gikinahanglang maka-adaptar kita diha sa gitawag nga ‘New Normal.’
RadyoMaN Bernard Pantallon
