COVID hospital sa South Cotabato nakaadmitir sang 33 ka mga pasyenti sa sulod sang isa ka bulan, operasyon nagapadayon sa pihak sang pipila ka isyu.

Nagalab-ot na sa 33 ka mga pasyenti ang naadmitir sa COVID hospital sang South Cotabato sa sulod sang isa ka bulan na nga operasyon sini umpisa sang gin-istablisar agud nga butangan sang mga may-yara sang Moderate kag Severe Acute Respiratory Illness.
Sa subong suno kay Dr. Conrado Braña, incharge sa COVID hospital nagapadayon sa gihapon ang operation sang nasambit nga pasilidad kag pagbaton sa mga pasyenti nga may moderate kag severe symptoms sa bulig sang mga volunteer doctors kag iban pa nga medical workers sa pihak sang sulat sang Department of Health 12 Regional Director nga mild cases lang ang pwede i-admitir sa nasambit nga pasilidad nga ginaclarify na ni Governor Reynaldo Tamayo Jr. sa DOH national ang nasambit nga isyu.
Nahibaluan nga gin-istablisar ang nasambit nga pasilidad agud nga butangan sang mga pasyenti nga may malala nga sintomas sang balatian nga COVID-19 agud mapunggan ang paglapta sang nasambit nga balatian.
May-angot sini, hugot man nga ginapasalamatan ni Dr. Braña ang mga doctors, nurses kag iban pa nga nagaman sa COVID hospital sa banwa sang Surallah.