Davao City – Wala gi-require sa Commission On Elections (COMELEC) Region XI ang local candidates nga musumite og Negative RT PCR result sa COVID-19 ug dili usab requirement nga vaccinated kini.
Sa AFP PNP presser, gibutyag ni Atty. Gay Enumerables nga karong Oktobre 1 hangtod Oktobre 8, 2021 ang filing sa Certificate of Candidacy (COC) gikan alas-8:00 sa buntag kutob alas 5:00 sa hapon.
Ang mudagan pagka-konsehal mu-file sa tagsa-tagsa ka mga opisina sa kada distrito samtang alang sa pagka-Mayor, Vice Mayor ug House of Representatives sa District 2 nga opisina mu-file sa ilahang COC.
“Bag-o na siya nga policy sa COMELEC kasi previously usa lang ka Election Officer ang na-designate to accept COC but karon gi-spread out nila specially the SP kay daghan man gud, daghan ang number of SP nga mag-submit og application so magtapok ang mga tao,” sumala niini.
Sumala ni Enumerables, duha lang ka escorts ang gitugot nga muuban sa kandidato sulod sa COMELEC District offices subay sa striktong implementasyon sa COVID-19 health protocols.
Ang naandang banda atol sa filing o uban pang susamang pakulo sa mga supporters sa usa ka kandidato bawal usab sa sulod sa Magsaysay Park o sa tanang COMELEC District offices.
RadyoMaN Aimee Guinita
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
