Davao City – Gipahimangnoan karon sa gobyerno ang publiko nga likayan ang mga social gatherings nga mao karon ang nakitang hinungdan sa pagtaas sa kaso sa Coronavirus Disease 2019 (COVID-19) sa dakbayan sa Davao.
Matud ni Dr. Michelle Schlosser, Spokesperson sa Davao City COVID-19 Task Force (sa interbyu sa city-owned radio), nga nagataas ang kaso sa COVID-19 sa Davao City diin miabot sa record-high 30.5 ang positivity rate sa COVID-19 infections nga naggikan sa household transmissions.
Gipasabot ni Schlosser nga kini resulta sa social gatherings o kadtong mga aktibidad sa mga tawo nga nagagawas nga adunay constant communication ug interaction sa uban diin kini posibilidad ug risgo sa ilang pagdala og virus padulong sa ilang mga panimalay.
“Ginapahinumdom sa katawhan nga if love ninyo inyong pamilya, iwasan ninyo ang mga risgo nga behaviors. Ang mga risgo nga behaviors is kanang mag-attend mo’g mga social gatherings, kanang dili mo mag-follow sa minimum public health standards,” segun ni Schlosser.
Subling gipasabot sa health official nga kinahanglan ang doble nga pag-amping labi na nga aduna nay mga natalang COVID-19 Delta variant sa syudad nga paspas nga makatakod sa tawo.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
