Davao City – Pasalamat kita nga anaa nay bakunang gitestingan sa kalibutan karon kontra COVID-19 sama sa Sputnik V, Sinovac, Remdesivir ug Avigan apan dili pa kini sila fully tested dili susama sa modern vaccines alang sa polio, flu ug uban pa nga ‘tried and tested’ na sa taas nga panahon.
Sa interview sa DXDC morning primetime radio social commentary program ‘Straight to the Point,’ gibutyag ni Davao City First District Councilor Pilar Braga nga wala pa gyud nato ensakto masayri ang nature ug character sa maong bakuna.
Matud ni Braga, dili pa gyud angayang mobalik sa normal nga kinabuhi ang katawhan sanglit ang bakuna matang sa prevention man lamang samtang dakung buhi pa sa gihapon ang virus ug mag-agad usab kini kung unsa ka lig-on ang immune system sa usaka indibidwal.
Tungod niini nanawagan si Braga sa tanan nga dili pa gihapon mokompiyansa ug tumanon gihapon ang tanang mga minimum health protocols hangtud hingpit na gayud nga mahanaw ang virus.
RadyoMaN Bernard Pantallon
