Russian vaccine: Safe gyud kaha?

18

Davao City – Wala mosalig ciento por ciento ang usaka medical doctor denhe sa syudad sa bakunang ginama sa Russia isip pang-alkontra sa COVID-19.


Sa pakighinabi kaniya sa DXDC daily social commentary talk show nga ‘Straight to the Point,’ gipangatarongan ni Dr. Jeff Ho nga wala pa’y kasegurohan kon ebidinsiya nga nagpakita nga kayang patyon sa bakuna sa Russia ang COVID-19 gumikan mo-undergo pa man kini’g serye sa clinical trials.

Dugang ni Ho, problemado ang maong bakuna sanglit wala pa masuta kon dili ba kini mag-trigger na hinoon og inflammatory reaction sa dihang mawagtang na unya ang epekto sa bakuna nga hayan ikamatay pa sa usaka pasyente.

Segun ni Ho, gikinahanglang makita una kon pareho ba nga adunay epekto sa tawo ug sa mananap ang bakuna nga nahimo sa Russia aron dili mugawas nga ‘unethical’ ang ilang buhaton sa mga Pilipino nga dapatan sa bakuna kontra ning maong virus.

Gihagit ni Ho ang mga anaa sa likod sa pagdawat sa tanyag sa Russia nga maoy magpa-una og bakuna aron kung unsay dangatan nila sa clinical trial, sila ra usab unya ang mag-antos ug dili ang katawhang pilipino.

Pikas bahin, gibutyag ni Atty. Deo Contreras, usaka consultant nga mas maayong dili gihapon isalikway sa katawhan ang naandan nang mga mandatory health protocols diin batasanon gihapon ang pagsuot og face mask, paggamit og hand sanitizer, paghugas og kamot bisan og makabaton na og bakuna ang Pilipinas sa karong tuiga.

RadyoMaN Joel Viray




Facebook Comments