Davao City – Limitado lang usa sa public hospital sa Pilipinas ang mahatagan sa COVID vaccine panahon nga muabot na ang unang batch niini.
Kini ang gipasabot ni ASEC. Eric Tayag, DOH-Knowledge Management and Information Technology Service (KMITS) Head atol sa interview sa DXDC RMN Davao.
Sumala ni Tayag, lakip sa ospital sa Pilipinas diin ang frontline health workers makadawat sa bakuna mao ang Southern Philippines Medical Center kun SPMC.
Matud pa, adunay private hospitals pero didto lang una sa Metro Manila.
“Ang unang bugso sa bakuna ay para sa frontliners, health care workers sa piling-pili na ospital kasama dyan ang Southern Philippines Medical Center… may mga napili na private hospitals sa Metro Manila,” segun ni Tayag.
Pagpaklaro sa opisyal nga kinahanglan kasyahon ang 117,000 doses sa Pfizer vaccine nga muabotay diin target niini ang kapin 50,000 ka mga indibidwal sa tibuok Pilipinas.
RadyoMaN Renz Barbarona
