Davao City – Nahiusahan sa mga ekspertong naglangkob sa Inter-Agency Task Force on the Management of Emerging Infectious Diseases (IATF-EID) nga ipatuman ang bag-ong taktika kontra COVID-19: Targeted, localized hard lockdown sa specific areas nga taas ang virus transmission rate.
Matud ni DILG-XI Regional Director Alex Roldan, taudtaud nang nahiuyonan sa IATF ang implementasyon ning maong approach sa tinguha nga undangon ang padayong pagkaylap sa makamatay nga klase sa balatian.
Segun ni Roldan, ang Davao City maoy pinaka-unang dakbayan sa nasud nga mi-upgrade pa’g maayo sa mga strategies sa pagsulbad sa COVID-19.
Kumbinsido ang IATF nga dili na kinahanglan nga tibuok munisipalidad, syudad o lalawigan ang i-lockdown apan kadto lamang partikular nga dapit nga adunay taas nga incidence sa COVID.
Kung dyutay lamang ang tutukan nga lugar sa gobyerno, mas masayon kini sa pag-handle ingon man aron dili madiskaril ang panginabuhian sa katawhan diha sa mga non-COVID infected localities.
Dili usab maglisod ang mga contact tracing teams sa pag-locate sa mga tawong mahalubilo sa mga matakdan sa kagaw ug ang kapulisan mahatag usab nila ang igong seguridad sa mga lugar nga ma-lockdown, dugang ni Roldan.
RadyoMaN Joel Viray
