Granular, targeted lockdown: New COVID strategy

25

Davao City – Gipaboran karon sa usa ka barangay captain ang zoning containment strategy aron ma-kontrolar ang pagkuyanap sa coronavirus disease pinaagi sa pag-lockdown sa usaka street kun kalsada, compound or household clusters inay nga ang entero lokalidad maoy i-hard quarantine.

Sumala ni Sasa Barangay Captain Jerry Licarde, sa iyang lugar adunay usa ka Locally Stranded Individual (LSI) nga nag-positive hinungdan nga ila gilayong gipailawom sa lockdown kadto lamang pamilya o balay diin nag-estar ang apektado aron dili makatakod ngadto sa ubang mga silingan.


Samtang giklaro usab ni Licarde nga daku ang epekto kung entero barangay ang i-lockdown tungod kay maapektohan unya ang panginabuhi, trabaho ug pamilya.

Nagtoo usab si Licarde nga kung usa lamang ka lugar o area ang i-lockdown ingon man suportahan lamang sa pagkaon ang mga apektadong pamilya, dili na unya mokatag pagsamot ang virus gumikan mapugngan na man unya nato ang paggawas-gawas sa mga residente sa maong mga infected purok, sitio o barangay.

RadyoMaN Bernard Pantallon

Facebook Comments