Dugang singil na usab sa bayrunon sa tubig ang abagahon sa mga konsumante kada bulan.
Kini kung makalusot ang usa ka ordinansa nga gitun-an sa konseho ning syudad nga gitawag og Payment for Ecological Services Ordinance.
Mahinumdoman nga sa gipahigayong public hearing sa konseho nga giunhan ni Konsehal Ian Mark Nacaya, ang chairman sa Committee on Urban Planning and development, gisugyot sa mga opisyal sa Cagayan de Oro River Basin Council nga magpataas sa 25 sentabos kada cubic meter nga bayad sa tubig matag bulan ug 50 sentabos kada cubic meter ang bayran sa mga Industriya ug mga commercial establishments ning syudad.
Gibutyag usab ni Dr. Hilly Kiawit, ang Executive Director sa Cagayan de Oro River Basin Council nga ang maong kwarta nga makolikta gikan sa maong Proposed Ordinance, maoy gamiton sa city hall alang sa rehabilitation, Protection, reforestation ug maintenance works sa 56 ka ektaryang Water shed area sa Cagayan de Oro, Libona, Baungon ug Talakag Bukidnon.
Gisugyot matud pa sa CDO River Basin council ang maong ordinansa aron ma-sustain ang water deposit ning syudad.
Gani, nahadlok ang CDO River Basin sa syudad nga kon dili mahatagag protection ang mga watershed area sa Cagayan de Oro ug Bukdinon, hayan moabot ang panahon nga mahurot ang water deposit ilawom sa yuta ning dakbayan.
Basi sa gisugyot nga ordinansa nga ang COWD maoy mokobra sa bayad lakip ang mga Subdivision Development nga maoy nag-supply sa tubig sa ilang mga Homeowners.
Matud ni Kiawit nga ang syudad sa nasud sama sa Bacolod ug uban pa ang nangolekta sa payment sa Ecological Services sa tumong nga adunay kwarta nga ilang magasto alang sa pag-rehab, protection, reforestation ug maintenance works sa ilang ektaryang watershed area.
