NEGROS OCCIDENTAL – Nagdangat na tanan sa kapin 2,741 ang na record nga kaso sang Acquired Immune Defficiency Syndrome ukon AIDS sa bilog nga Western Visayas sini nga tuig 2018.
Base sa record sang DOH Region 6, naglab-ot sa 278 na ang nagkalamatay bangud sang hiv-aids, 20 diri ang halin sa Iloilo City, 13 sa Iloilo province kag 11 naman halin sa ciudad sang Bacolod.
Ginpaathag sang Department of Health nga ang pagsaka sa numero ang resulta naman sang maayo nga reporting kag case finding.
Sa Region 6 may yara sang lima ka HIV treatment hubs nga available nga ginalakipan sang Western Visayas Medical Center (Iloilo), The Medical City (Iloilo), Dr. Rafael Tumbokon Memorial Hospital (Kalibo), Angel Salazar Memorial Hospital (Antique) kag Corazon Locsin Montelibano Memorial Regional Hospital (Bacolod)./dyHB BACOLOD
