CPP NPA leader nga naaresto sa Malaysia detinado na sa CIDG RFU-XI

Davao City- Gikustodiya na sa Criminal Investigation and Detection Group Regional Field Unit (CIDG RFU-XI), ang taas og most wanted leader sa NPA nailang Eric Jun Casilao alyas Elian human naaresto sa Malaysia niadtong Abril 1, 2023.

Sumala ni PLT Col Michael John Mangahis OIC, CIDG RFU-XI human nahinabi sa Davao Media, niabot si Casilao sa Davao City pasado alas 2:00 sa hapon Abril 17, 2023 og gipailawom sa medical check up aron maseguro nga maayo iyang panglawas.

Matud ni Mangahis, ang pagkasikop ni Casilao tungod sa gihimong joint law enforcement operation sa nagkadaiyang ahensya sa gobyerno kauban ang Royal Malaysian Police (RMP) ug Malaysian Immigration.

Gipasabot sa opisyal, pinaagi sa warrant of arrest og patung-patong nga kaso ang atubangon sa dinakpan nga gilangkuban sa Pagpatay, Kidnapping, Serious Illegal Detention ug Attempted Murder.

“Bukas po ongoing po ang process namin at i-refer namin ang warrant po but initially didto po i-detain sa RUF-XI”,sulti ni Mangahis.

Kahinumdum nasikop si Casilao sa Jeti Point International Clearance Gate, Langkawi, Malaysia samtang sakay sa ferry paingon sa Koh Lipe, Thailand tungod sa kalapasan usab sa falsification sa passport pinaagi sa fake identity.

RadyoMaN Don Pulayao