Mukabat sa P200 mil ka pesos ang piyansa nga girekomenda batok sa suspek nga wanted sa kasong Frustrated Murder kinsa nasikop sa gilusad nga operasyon sa mga kapulisan pasado alas 8:30 sa buntag kagahapon didto sa Purok-2, Libertad, Quezon, Bukidnon.
Giila ang suspek nga si Jacob Siton, alyas Ecoy, 31 anyos, minyo, laborer, Top 10 Most Wanted Person sa lungsod sa Quezon, ug residente sa Balangay 4B Poblacion, Quezon, Bukidnon.
Nasikop ang laborer pinaagi sa gahom sa warrant of arrest nga gipakanaug gikan sa korte pinitsahan Abril 3, 2023 nakadokit ilawom sa criminal case no. 40723-23 sa kasong Frustrated Murder.
Gikustodiya na karon sa Quezon Municipal Police Station ang suspetsado alang sa tokmang disposasyon.
Facebook Comments
