Davao City – Abagahon sa lokal nga panggamhanan sa Davao ang cremation sa 14 ka mga patayng lawas nga anaa sa morgue sa Southern Philippines Medical Center (SPMC).
Matud ni Davao City Mayor Sara Duterte kini aron dili magpundo ang mga cadavers sa SPMC nga subay sa mando sa mga doktor nga kinahanglan kining ma-cremate dayon sulod sa 12 ka oras.
Ang mga patay’ng lawas matud niini mga COVID-19 suspects.
Posibleng adunay ma-cremate nga negatibo sa coronavirus tungod ulahi na nga migula ang resulta.
Segun niini ang SPMC na ang magpahibalo sa mga tagtungod samtang ang lokal nga gobyerno na ang mukoordinar sa mga funeral parlors aron makuha ug maproseso ang mga remains.
Mokantidad sa P40,000-P50,000 ang cremation ug sa Davao adunay 3 ka mga crematoriums.
RadyoMaN Aimee Guinita
