Davao City – Nakahiagom og pipila ka mga samad dinunggaban ang usa ka crew sa burger store sa may Catalunan Pequeño dihang gitulis kini sa usa ka wala mailhing lalaki alas-5:19 sa kabuntagon.
Ang biktima giila nga mao si Michelle Marcos Tabog, 33 anyos nagpuyo sa Subasta Calinan ning syudad.
Matod sa imbestigasyon sa Talomo PNP, samtang anaa sulod sa burger stand si Tabog kalit kini gisulod sa usa ka lalaki dayon gitionan og kutsilyo ug gipangayo ang halin sa maong crew.
Gumikan sa kahadlok sa biktima iyang gitunol ang halin nga kapin 7,000 pesos ngadto sa hold-uper apan ayha milakaw ang suspek gidunggab sa makadaghang higayon sa nagkadaiyang parte sa kalawasan ang biktima.
Daling midagan palayo ang biktima ngadto sa suspek ug nangayo og tabang sa katawhan diin gidala gilayon kini sa pinaka duol nga balay tambalanan.
Ang biktima padayon nga nagpaalim sa Southern Philippines Medical Center samtang ang supsek padayon nga gipangita sa kapulisan.
RadyoMaN Abi Bibera
