Davao City – Gi-endorso ni Barangay Mogbongcogon, Banaybanay, Davao Oriental Kapitan Jokarnain Tambuang ngadto sa kapulisan ang usa ka suspek nga giingong niagni sa duha ka mga batang babayi nga musakay sa iyahang motor ug gidala kini sa baybay.
Atol sa interbyu sa RMN Davao kang Banaybanay PNP station commander PSI Eunice Huit gibutyag niini nga priso karon ang suspek nga si Allan Cagpa, 32 anyos, Criminology student sa Kolehiyo ng Pantukan ug taga-Maragdao, Brgy. Maragatas, Lupon, Davao Oriental tungod sa maong reklamo.
“Stranger ning suspek sa maong barangay even ang kapitan wala makaila sa iyaha. Gidala niya ang mga victims somewhere sa shoreline tapos nag-instruct siya sa mga victims nga piktyuran siya,” segun ni Huit.
Base sa mga testimonyas sa mga batang biktima nga nag-edad og 12 ug 7 anyos atol sa gihimong imbestigasyon sa Women and Children Protection Desks (WCPD) nga didto sa baybay alegasyong gisugo sa maong suspek ang mga biktima nga kuhaan siya’g hulagway samtang nangihi apan tungod sa kahadlok nanagan ug nangayo og tabang ang mga menor.
Gikatakdang iduso ngadto sa piskalya karong Lunes ang kasong may paglapas sa RA 7610 batok sa suspetsado.
“Dili siya ma-swak doon sa element ng kidnapping so doon namin siya inano sa other forms of child abuse under the Republic Act 7610,” matud ni Huit.
RadyoMaN Aimee Guinita
