Miubos ngadto sa 17.54% ang crime incidence sa probinsya sa Bukidnon ilawom sa unang lima ka bulan nga pagdumala ni PCol. Reynante R. Reyes sa probinsya.
Kini sumala pa natala gikan sa Oktubre sa nakalabayng tuig 2022 hangtud ning bulan sa Pebrero 2023.
Ubos sumala pa kini og 140 ka mga insidente sa krimen kung itandi sa susamang bulan sa nakalabayng tuig 2021 ug 2022.
Dako nga pag-ubos sa kaso ang pagpanlugos kon rape nga mitala lang og 38 ka mga insidente gikan sa 73 nga mga kaso.
Gisundan kini sa Murder kon pagpatay nga anaa sa 38 ka mga kaso, pagpangawat sa 31, robbery, 26 ka mga insidente ug Physical Injury sa 16 ka mga insidente sulod sa unang lima ka bulan nga pagdumala ni PCol. Reyes sa probinsya sa Bukidnon.
Facebook Comments
