CRIME PREVENTION | Security plan sang Capiz PPO para sa Oplan Ligtas SumVac 2019, plastado na!

16

Roxas City, Capiz – Plastado na ang security plan sang Capiz PPO may kaangut sa ginapatuman nga Oplan Ligtas Summer Vacation(SumVac) 2019.
Suno sa information officer nga si Police Executive Master Sargeant Donna Asmod, preparado na ang mga kapulisan kun sa diin may yara sang deployment sa mga matawo nga lugar nga ginapadulongan sang publiko sa tion sang bakasyon kaangay sang mga beach, malls kag iban pa nga mga tourist destination.
Handum nila nga mangin memorable ang bakasyon sang mga local tourist pinaagi man sa pagpasiguro sang kalinong kag seguridad sang mga ini.
Samtang may yara man sang igapahamtang nga mga complaint ukon police assistance desk sa mga lugar nga ginakadtoan sang publiko.
Padayon man ang ila nga pagpanagtag sang mga flyers sa diin nabutang pila ka mga tips agud nga mangin safe kag mapahilayo sa kriminalidad ang publiko.

Facebook Comments