Crime rate sa dakbayan mikunhod og 40 porsyento

147

Davao City- Gidayeg ni Davao City Mayor Inday Sarah Duterte-Carpio ang maayong performance ni Police Senior Superintendent Alexander Tagum isip city director sa kapulisan sa dakbayan sa dabaw.

Gipaabot ang pagdayeg ni Mayor Inday Sarah pinaagi kang City Administrator Atty.Zuleika Lopez atol sa regular meeting sa ‘City Peace and Order Council’ (CPOC) nga gihimo sa usa ka hotel sa dalang Magallanes ning syudad.

Matud ni Lopez, nalipay ang Mayora sa pagkunhod og kapin 40 porsento sa crime rate sulod sa duha ka quarter karong tuiga ubos sa liderato ni Tagum ug mas taas itandi sa susamang period sa miaging tuig sa panahon ni Police Senior Superintendent John Michael Dubria.


Nasayran nga sagad sa krimen nga adunay pagkunhod mao ang common street crime sama sa kawat, paglungkab sa mga gambalay ug sa mga behikulo ug daghan pang uban.

Gipanghambog sab ni Tagum nga lakip nasulbad ang gang war sa mga nag-unang barangay sa dakbayan sukad gipatuman ang Oplan Iron Mega City of Davao sa miaging mga bulan.

Kasamang Joel Viray



Facebook Comments