BJMP magpahigayon og inspeksyon sa mga high profile ug high risk inmates

302

Davao City-Mupahigayon og inspeksyon ang Bureau of Jail Management and Penology (BJMP) XI apil ang pwersa sa kapulisan ug kasundalohan sa dalan padulong Davao City Jail tungod sa daghang ihap sa mga high profile ug high risk inmates nga anaa karon sa Davao City Jail, sa Ma-a syudad sa Dabaw.

Sa gihimong press conference sa Armed Forces of the Philippines (AFP) ug Philippine National Police (PNP), gisaysay ni BJMP XI spokesperson Chief Inspector Pio Rosero nga ang mga high profile ug high risk inmates sa Davao City Jail gilangkuban sa lima (5) ka mga Maute members, unom (6) nga mga myembro sa Moro Islamic Liberation Front (MILF), siyam (9) nga myembro sa New People’s Army (NPA), 18 uniformed personnel, ug duha (2) ka mga political prisoners.

Matud ni Rosero, i-regulate ang mga musulod sa dalan padulong sa Davao City Jail apil ang mga residente sa lugar ingon man dunay ipahigayon nga checkpoint tungod sa nagpadayong hulga nga resulta sa pagkapriso sa mga high profile ug high risk inmates.


Dugang ni Rosero, ginahulat pa sa BJMP ang resolusyon sa lokal nga konseho aron hingpit nga maimplementar ang maong plano ug masayran ang nagkadaiyang tahas sa mga ahensya sa gobyerno nga mag monitor sa seguridad sa maong prisohan.

Kasamang Merle Comidoy

Facebook Comments