Sa datos nga gipagawas gikan sa Davao City Police Office (DCPO), miubos ang kaso sa physical injury gikan sa 55% ngadto sa 28%, ang kaso sa rape gikan sa 84% ngadto sa 34%, ang kaso sa robbery gikan sa 49% ngadto sa 14%, ug ang kaso sa pagpangawat gikan sa 216% ngadto sa 92%.
Samtang sa kaso sa murder, walay pagsaka o pag-ubos ug nagpabiling 10%. Ingon man, ang kaso sa homicide nagpabilin nga 3%; ang kaso sa carnapping (motorcycle) gikan sa 14% miubos og 11%; ug ang kaso sa carnapping (motor vehicle) gikan sa 1% miubos og 0%.
Nahinabi usab sa DXDC News Team si Police Captain Hazel Caballero Tuazon, ang tigpamaba sa DCPO. Gisulti niya nga ang pag-ubos sa crime rate sa dakbayan tungod usab sa inisyatiba nga mga programa ug pagdumala ni City Director Police Col. Mannan Muarip sa DCPO, ug pinaagi usab sa pagtinabangay sa kapulisan ug komunidad.
RadyoMan Don Pulayao
