Gipasigarbo sa Valencia City Police Station ang padayon nga pag-ubos sa krimen nga nahitabo sa siyudad sa Valencia.
Subay sa Valencia City Comparative Crime Statistics, sa index crime, nakatala ug 19% nga pag-ubos o gikan sa 214 ka insidente niadtong tuig 2018 niubos kini sa 195 ka kaso sa tuig 2019.
Alang usab sa non index crime, nakatala ang kapulisan ug 286 ka kaso kaniadtong 2018 apan anaa na lang sa 218 ka kaso sa 2019 o adunay 24 porsiyentong pag-ubos.
Sa total crime volume, 527 ka kaso ang natala gikan sa Jan-Dec 2018 apan 414 na lang sa Jan-Dec 2019 o adunay 22% nga pag-ubos sa mga krimen sa mao nga Valencia.
Sa interview sa RMN DXMB Malaybalay ngadto kang Police LTCOL Surkie Serenias, ang hepe sa PNP – Valencia, gibutyag niini nga daghan silang gikonsiderang factors sa pag-ubos sa krimen.
Gisuta ni Serenias nga apil sa mga hinungdan sa pag-ubos sa kriminalidad mao ang pagpatuman sa martial law, hugot nga kampanya batok sa illegal nga droga, gipahugtang anti-criminality campaign ug ang pinakadakong rason matud pa mao ang suporta nga gihatag sa komunidad ngadto sa kapulisan.
