Criminal offense sa driving without license gisugyot

Davao City – Ika-pito karon sa ranking sa traffic violations sa Davao City ang Driving Without License.

Subay sa report gikan sa City Transport and Traffic Management Office (CTTMO) nga mokabat sa 9,042 ang nadakpang gamaneho nga walay mga lisensya gikan Setyembre 2017 hangtod Hulyo 2019.

Gilaraw ni Committee on Transport and Communications chair Councilor Conrado Baluran nga himuong criminal offense ang Driving Without License.


Gilantaw ni Baluran nga gikinahanglan nga mas pahugtan ug striktuhan pa ang penalty ug iapil ang pagkapriso batok ngadto sa mga malapason.

“The surmounted statistics only proves that violators take this matter for granter, either the penalty is too cheap that they can afford to pay it repeatedly or a blatant no-show of respect to our traffic enforcers,” matud ni Baluran.

Sa kasamtangan, ang silot lamang sa mga madakpang walay lisensya sa Land Transportation Office nagkantidad sa P1,500 samtang P500.000 ang sa CTTMO depende kung expired, suspended, revoked, wala nadala ang lisensya o peke ang gidala nga lisensya.

Nagtuo si Baluran nga kung himuon kining criminal act sama sa pagpanigarilyo sa pampublikong lugar alang sa safety sa mga kinabuhi ug propyedad sa syudad.

Dugang niini kung patas-an ang pagpahamtang og penalties murespeto ug mahadlok na ang mga drivers sa pagkumitar sa maong offense.

RadyoMaN Aimee Guinita

Facebook Comments