Cromwell Kiril Dinlayan, gideklarang muhulip sa iyang mipanaw nga amahan sa hunta probinsyal

Bukidnon – Gideklara na matud pa sa Sangguniang Panlalawigan sa Bukidnon si Cromwell Kiril Dinlayan nga maoy muhulip sa iyang bag-ohay ang mipanaw nga amahan nga si kanhi Board Member Manuel “Maning” Dinlayan.

Si Kiril ang kasamtangang barangay kapitan sa Barangay Uno ning siyudad sa Malaybalay ug ikaduhang anak ni Kanhi“Maning”.

Sa interview sa RMN Malaybalay ngadto kang 2nd District Board Member Melchor Maramara nga gideklara nila si Kiril atol sa ilang gihimong session regular.


Matud ni Maramara nga adunay pay prosesong pagsundon diin kinahanglan pa kining mag-resign isip kapitan sa barangay Uno ug magfile pa ug application para sa Bukidnon Paglaum Party.

Posibleng sa Agosto 22 maka-apil na kini sa session regular sa Sanguniang Panlalawigan.

Dungan niini gikasubo usba nila ang pagpanaw sa ilang kauban.

Si kanhi Board Member Manuel nahimong city councilor sa Malaybalay City kaniadtong tuig 2001 hangtod 2010, ug Bukidnon Provincial Board Member sa tuig 2010 hangtod 2017.

Facebook Comments