CSWD Butuan gipatubag sa isyung gipasagdan ang mga nasunugan

30

Gipadalhan ug sulat sa City Public Information Office ang City Social Welfare and Development (CSWD) aron tubagon ang isyu ug reklamo sa mga biktima’ng nasunogan dinhi sa dakbayan sa Butuan nga igu lang gipasaligan ug tabang, apan wala matuman.
Kahibaloan human adunay residenti sa Slaughter Brgy. Obrero, ning syudad sa Butuan nga nipaabot ug pasalamat sa RMN DXBC sa dihang gi-aksyonan ni City Councilor Vincent Rizal Rosario ang ilang reklamo kabahin sa cash assistance ug relocation pinaagi sa usa ka on-site validation.
Human nadunggan ang aksyon, sunod-sunod nga nitumaw nga mga residenti ug mga biktima sa sunog nga mas una pa’ng gisaaran ug tabang sa CSWD apan hangtud karon wala mahatag.
Gitumbok sa mga nagreklamo ang usa ka GingGing Tan, sa CSWD kinsa maoy nagsulti nga gi-divert sa laing gastohanan ang budget nga alang unta kanila.
Tungod niini, gusto sa City PIO nga makuha ang katin-awan niini nga isyu mao’ng gisulatan nila ang CSWD aron matubag ang pangutana sa mga nasunogan. [image: fire victims.jpg]

Facebook Comments