Gitinguha karon sa City Social Welfare and Developemnt o (CSWD) nga mapaundang ang pagpakilimos sa mga badjao ug paglatagaw sa mga kabataan dinhi sa dakbayan sa Iligan.
Gibutyag ni Grace Joy Saquilabon, head sa CSWD nga nagpadayon karon ang ilang child welfare program pinaagi sa paghatag og ayuda sa mga kabataan lakip na sa mga badjao aron magiyahan sa ilang pagtubo ug biyaan na ang magpakilimos sa kadalanan.
Matud ni Saquilabon nga gumikan sa ilang gipatuman nga feeding program boluntaryong muanha sa Dangpanan sa Kabataan ang mga street children ug ang mga kabataang badjao matag adlaw ug ilang gitudloan sa pagsulat ug pagbasa.
Dugang pa nga aduna nay nauna nga batch sa mga kabataan nga napailalom sa maong programa ang na-enroll na karon sa formal education human nakasabot sa kamahinungdanon sa edukasyon.
