CSWDO: donasyon sa fire victims dawaton

25

Davao City – Abri ang City Social Welfare and Development Office (CSWDO) sa pagdawat sa mga buot mo-donar alang sa mga tao nga nabiktima sa mga trahedya ug kalamidad sama sa nahitabo nga sunog sa Sto. Niño, Brgy. Leon Garcia, Agdao, Davao City diin 60 ka balay ang naugdaw.

Sa interbyu kang Maria Luisa Bermudo, CSWDO Head pinagi sa city-owned radio, gibutyag niini nga adunay gi-andam ang lokal nga gobyerno nga mga nag-unang panginahanglan sa mga biktima sa kalamidad apan modawat gihapon, ang CSWDO og mga tabang labi na gyud ang pagkaon, gamit sa kusina, mga hygiene kits ug uban pa.

“Sa kadtong mga gusto mag donate, mga hygiene kits, mga gamit sa kusina pwede pud na. Usa sa mga options nga pwede nila i-donate para sa mga nasunogan,” matud ni Bermudo.

Dugang ni Bermudo, dawaton usab nila ang mga alcohol, face mask ug uban pang donasyon nga mamahimong magamit labi na sa kasamtangang pagbatok sa coronavirus disease 2019 (COVID-19) pandemic.

RadyoMaN Kirby Manzon

Facebook Comments