General Santos City–Gipaklaro sa labaw sa CSWDO-Gensan nga si Rebecca Magante nga dili tanang mga Person With Disability, Single Parent ug Senior Citizen ang mahatagan ug financial assistance pinaagi sa Social Amelioration Program (SAP) sa goberno.
Ang pagpaklaro gihimo ni Magante human daghang mga reklamo ang mitumaw dungan sa pagpang-apod apod ug pinansyal nga ayuda ngadto sa mga binipisyaryo sa SAP.
Segun niini nga sila sa CSWDO ang gisunod lamang ang nakalatid sa Memorandum Circular 09 sa DSWD kung si kinsa ang angay nga mahatagan ug ayuda gikan sa goberno.
Matag pamilya ang ilang paghatag sa maong ayuda ug dili matag indibidwal. Kung adunay kauban ang usa ka edaran o PWD nga adunay trabaho ug dili apektado sa Enhance Community Quarantine posible nga dili sila malakip sa mga kwalipikado.(CDS)
