CSWDO, ginpasiguro nga mahatagan sang food packs ang tanan nga mga evacuees nga nagpadulong sa mga evacuation center

7

Roxas City, Capiz – Hugot nga ginamonitor sang City Social Welfare and Development Office(CSWDO) ang sitwasyon sa tanan nga evacuation center sa Roxas City. Ginkumpirmar ni Mr Perseus Cordova, Population Program Officer II kag head sang Operations and Management Division sang CSWDO nga umpisa kahapon nga adlaw sang Domingo, may yara na sila sang naka-preposition nga mga relief food packs nga nakahanda nga idul-ong sa mga evacuation centers. Samtang ila man nga una nga gintumod kun pila ang tanan nga evacuation center kag subong man ang numero sang mga indibidwal nga nagatiner diri. Iya man nga ginpasiguro nga ang tanan nga mga evacuees ang mahatagan sang food packs. Nahibaluan nga base sa ila nga monitoring sa field, amat-amat na nga nagbalik sa tagsa nila ka mga poluy-an ang mga residente nga nagpadulong sa mga evacuation centers sa kabarangayan.
photo(c)- Mayor Ronnie Dadivas FB page

Facebook Comments