Mayor Gustilo ginmando ang temporaryo nga pagpasira sang bioethanol plant sa syudad sang San Carlos

15

Ginmandu ni San Carlos City Mayor Renato Gustilo ang temporaryo nga pagpasira sang Bioethanol Plant.

Ini matapos nga ang city government sang San Carlos paagi kay Mayor Gustilo ang nagpadala sang sulat sa San Carlos Bioenergy, Inc. (SCBI) nga napetsahan February 18, 2021 nga nagamandu diri nga temporaryo untaton ang ila operasyon sugod sang February 19, 2021.


Ginatumod nga rason sa temporary closure amo ang pila ka environmental violations sang amo nga kompaniya lakip na ang serye sang water discoloration sa kadagatan sang Sitio Maloloy-on, Brgy. Punao bangud sang iya sini gina-agwasa nga wastewater.

Suno pa sa sulat, bisan may nagakaigo nga mitigating measures nga ginapatigayon ang SCBI, apang sa gihapon indi ini bastante nga maka-sarang sa negatibo nga epekto sang water pollution sa mga pumuluyo sang San Carlos City.

Bangud sini, panugyan na lamang ni Gustilo sa SCBI nga temporaryo anay mag-untat sang ila operasyon tubtub nga ila ma-settle ini nga mga issues sa mas madali.

Bangud kon indi, suno kay Gustilo, iga-recommend sang city government sa Environment Management Bureau of the Department of Environment and Natural Resources (EMB-DENR) nga mag-issue sang cease and desist order batuk sa amo nga Bioethanol plant.




[image: image.png]

Facebook Comments