General Santos City–Gihatagan lang ug duha ka semana kon 14 ka adlaw ang CSWD (City Social Welfare And Welfare Development Office) aron nga humanon ang pag-identify ug paghatag sa programa sa National Government nga Social Amelioration Program (SAP) sa mga benipesyaryo niini.
Sumala pa ni Rebeca Magante ang labaw sa CSWDO-GenSan nga sa karon nag padayon ang ilang profiling kon pagkuha ug datus sa matag barangay sa mga posibleng mahatagan ug financial assistance nga P5,000.00.
Samtang gibutyag usab ni Atty. Arnel Zapatos ang City Administrator sa syudad nga sa karon nadawat na sa Gensan ang kwarta nga ipanghatag ngadto sa mga kwalipikadong benipesyaryo ug base matud pa sa report aduna nay 13 ka mga barangay ang nakahatag ug resulta ngadto kanila.
Karong adlaw nga Martes subling Pulungon sa DILG ang mga barangay official aron nga masayran kung kinsa pa ang mga barangay nga kulang pa ang datus nga gipasa kanila.
Gipaniguro usab ni Atty. Zapatos nga kung makumpleto na sa usa ka barangay ang ilang mga datus gilayon usab sila nga magsugod sa pagpanghatag ug financial assistance.(Dave Silagan)
