Sa interbyu sa DXDC kang Julie Dayaday, CSWDO head, sa wala pa magsugod ang distribusyon hugot ang ilahang koordinasyon ug nagpahigayon sila’g coordination meeting uban ang mga Barangay Officials, Indigenous Person Mandatory Representative (IPMR) ug mga local agencies sa City Government of Davao para sa hapsay ug klarong sistema sa IP Pasko Fiesta karong Disyembre 2023.
Giawhag ni Dayaday ang adunay mulo o concern nga muduol sa CSWDO aron matubag ug mahataga kini’g solusyon.
Nagsugod na niadtong nakalabayng semana ang paghatag sa mga grocery packs diin lakip niini ang 15 kilos sa bugas ang madawat sa kada pamilya.
Gibutyag niini nga ang Pasko Fiesta Para sa mga IPs para sa duha ka nag barangays sa Baguio District, 12 ka barangays sa Marilog District ug 11 barangays sa Paquibato District.
RadyoMaN Aimee Guinita
